1, జులై 2010, గురువారం
పురస్కృతమూర్తి స్తుతి - 4
చిన్నారిగేయాల జేజిమామయ్యయై
బాలాంతరంగపు బాలుడితడు
రాధ విరహగీతి మాధవునెద జల్లు
కవితామయ రజనీ కాంతుడితడు
సంగీత సాహిత్య సమ్మేళనమ్ముతో
సామవేదమ్ముల సారమితడు
ఆకాశవాణిలో అలలుగా సాగిన
లలితసంగీతాల లాస్యమితడు
తేనె లొలికించు తీయని తెలుగుపాట
హాయికలిగించు వినినంత నతని నోట
‘ రాధ కూతురు వా ’ యంచు రమ్మటంచు
పాత సంగతి తలపోసి పలుకరించె!
విజయపథమునందు విజయభావన సాగి
పాతికేండ్ల తలపు పంచుకొనగ
వెండి పండగందు వెలుగొందు విజ్ఞులు
అందుకొనుడు వంద వందనాలు!
(రచన : శ్రీమతి భైరవభట్ల దేవీప్రకాశమ్మ)
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్లు లేవు:
కామెంట్ను పోస్ట్ చేయండి